சீனா தயாரிப்பு மொபைல் போனில் பேசிக் கொண்டிருந்த போது, திடீரென வெடித்துச் சிதறியதில், வாலிபருக்கு காயம் ஏற்பட்டது. சேலம் பள்ளப்பட்டி சென்னேரி வையக்காடு பகுதியைச் சேர்ந்தவர் பெருமாள்.அவரது மகன் வினோத்ராஜ்(22), மருத்துவப் பிரதிநிதியாக வேலை பார்த்து வருகிறார். சீனா தயாரிப்பு மொபைல் போனை (என்-958 மாடல்) வினோத்ராஜ், ஓராண்டுக்கு முன் வாங்கினார்; விலை 4,000 ரூபாய். நேற்று முன்தினம் இரவு, மொபைலை சார்ஜ் செய்து முடித்தவுடன் அவருக்கு அழைப்பு வந்தது. நண்பரிடம் ஐந்து நிமிடங்கள் பேசிய அவர், மொபைல் போனில் இருந்து வந்த வித்தியாசமான சத்தத்தால் எடுத்து பார்த்தார். திடீரென மொபைல் வெடித்துச் சிதறி, அவரது நெற்றி, கை, நெஞ்சு பகுதிகளில் கார்பன் துகள்கள் பட்டு, தீக்காயம் ஏற்பட்டது. மொபைலில் இருந்த பேட்டரி, அதிக உஷ்ணம் அடைந்ததால், இந்த விபத்து நேரிட்டுள்ளது.
No comments:
Post a Comment